ଅଧିକ ଚାଲିବା ଲାଭ ବଦଳରେ କ୍ଷତି ପହଞ୍ଚାଇପାରେ... ହୋଇପାରେ ଏହିସବୁ ସମସ୍ୟା...

ଚାଲିବା ସ୍ୱାସ୍ଥ୍ୟ ପକ୍ଷେ ଲାଭଦାୟକ। ଫିଟ୍ ରହିବାକୁ ହେଲେ ଚାଲିବା ପାଇଁ ପରାମର୍ଶ ଦିଆଯାଇଥାଏ। ସବୁବେଳେ ଚାଲିବା ଦ୍ୱାରା ହଜମ

ପ୍ରକ୍ରିୟା ଭଲ ରହିବା ସହ ରକ୍ତଚାପ ଓ ସୁଗାରକୁ ନିୟନ୍ତ୍ରଣ କରିବାରେ ମଧ୍ୟ ସହାୟକ ହୋଇଥାଏ। | 
କିନ୍ତୁ, ଅଧିକ ଚାଲିବା ବେଳେବେଳେ ଲାଭ ବଦଳରେ କ୍ଷତି ଘଟାଇପାରେ।  ଯଦି ଆପଣ ଶରୀରର କ୍ଷମତାଠାରୁ ଅଧିକ ଚାଲୁଛନ୍ତି, ତା'ହେଲେ
ଶରୀରରେ ସମସ୍ୟା ଦେଖା ଦେଇଇପାରେ । 

ଅଧିକ ଚାଲିବା ଦ୍ୱାରା ଏହିସବୁ ଅସୁବିଧା ହୋଇଥାଏ...

ମାଂସପେଶୀର ସଂପ୍ରସାରଣ - ଶରୀରର ନିଜସ୍ୱ କ୍ଷମତା ରହିଛି ଓ ଚାଲିବା ମଧ୍ୟ ଗୁରୁତ୍ୱପୂର୍ଣ୍ଣ।  ଯଦି ଶୀଘ୍ର ଫିଟ୍ ହେବାକୁ ଚାହୁଁଛନ୍ତି, ତା'ହେଲେ ଶରୀରର କ୍ଷମତାଠାରୁ ଅଧିକ
ଚାଲିବା ଦ୍ୱାରା ଏହା ମାଂସପେଶୀ ଉପରେ ନକରାତ୍ମକ ପ୍ରଭାବ ପକାଇପାରେ। 

ଆଣ୍ଠୁଗଣ୍ଠି ସମସ୍ୟା - ଆଣ୍ଠୁଗଣ୍ଠି ସମସ୍ୟା ଥିବା ଲୋକଙ୍କ ପାଇଁ ଅଧିକ ଚାଲିବା ଏକ ସମସ୍ୟା ହୋଇପାରେ ।  ଅତ୍ୟଧିକ ଚାଲିବା କାରଣରୁ ଆଣ୍ଠୁଗଣ୍ଠି ଯନ୍ତ୍ରଣା ଆହୁରି
ବଢ଼ିଥାଏ। ବିଶେଷ କରି ବୃଦ୍ଧ ଲୋକମାନେ ଅଧିକ ଚାଲିବା ଠାରୁ ନିଜକୁ ଦୂରେଇ ରଖିବା ଉଚିତ୍। ନଚେତ୍ ସେମାନଙ୍କର ଆଣ୍ଠୁଗଣ୍ଠି ସମସ୍ୟା
ଆହୁରି ବଢ଼ିପାରେ। 

ଥକ୍କା ଲାଗିବା- ଅଧିକ ଚାଲିବା ଦ୍ୱାରା କ୍ଲାନ୍ତ ଅନୁଭବ ହୋଇଥାଏ।  ଓଜନ ହ୍ରାସ କରିବାକୁ, ଅନେକ ଲୋକ ଆବଶ୍ୟକତାଠାରୁ ଅଧିକ ଚାଲିଥାନ୍ତି। ହେଲେ
ଏଥିଯୋଗୁ କ୍ଲାନ୍ତ ଅନୁଭବ ହୋଇଥାଏ।  ଚାଲିବା ଦ୍ୱାରା ଶରୀରରେ ଅତ୍ୟଧିକ ଝାଳ ବାହାରିଥାଏ ଏବଂ ଶରୀରରେ ଡିହାଇଡ୍ରେଟ୍ ହୋଇପାରେ ।  ଯଦି ଖରାଦିନେ ଅଧିକ ଚାଲନ୍ତି, ତେବେ ଏହା ଶରୀର ପାଇଁ ଅଧିକ କ୍ଷତି ପହଞ୍ଚାଇପାରେ ।