ବଲିଉଡରେ ଅଭିନେତ୍ରୀ କଙ୍ଗନା ରାଣାୱାତ ଓ ଅଭିନେତାରୁ ରାଜନେତା ହୋଇଥିବା ଚିରାଗ ପାଶ୍ଵାନଙ୍କ ସମ୍ପର୍କ କାହାକୁ ଅଛପା ନାହିଁ। ସମୟ ଗଡ଼ିବା ସହ ସେମାନଙ୍କ ସମ୍ପର୍କରେ ଫାଟ ସୃଷ୍ଟି ହୋଇଥିଲା ଓ ପରେ ଉଭୟ ଅଲଗା ହୋଇଯାଇଥିଲେ।
କଥାରେ ଅଛି, ସମୟ କେତେବେଳେ କାହା ସହ କ'ଣ କରିବ, ତାହା କେହିବି କହିପାରିବେ ନାହିଁ। ଉଭୟ ରାଜନୀତିରେ ଯୋଗଦେବା ପରେ ପୁଣି ଥରେ ସେମାନଙ୍କ ର ଦେଖାସାକ୍ଷାତ ହୋଇଛି ।
ଲୋକସଭା ନିର୍ବାଚନ ଉଭୟଙ୍କୁ ପୁଣି ଥରେ ଏକାଠି କରିଛି । ନିର୍ବାଚନ ଫଳାଫଳ ଆସିବା ପରେ ଦୀର୍ଘ ଦିନ ପରେ ସଂସଦରେ କଙ୍ଗନା ଓ ଚିରାଗଙ୍କ ଭେଟଘାଟ ହୋଇଥିଲା ।
ଚିରାଗ-କଙ୍ଗନାଙ୍କ ଏହି ସାକ୍ଷାତର ଫଟୋ ବେଶ ଭାଇରାଲ ହେବାରେ ଲାଗିଛି। ଉଭୟ ପରସ୍ପରକୁ ଆଲିଙ୍ଗନ କରିବା ସହ ହସ ହସ ମୁହଁରେ କିଛି କଥା ହେଉଥିବା ଭାଇରାଲ ଫଟୋରେ ଦେଖିବାକୁ ମିଳିଛି।
ଭାଇରାଲ ଫଟୋକୁ ନେଇ ଫ୍ୟାନ୍ସଙ୍କ ମଧ୍ୟରେ ବେଶ ଚର୍ଚ୍ଚା ହେଉଛି । ଏସବୁ ଭିତରେ ଚିରାଗ ଏନେଇ ମୁହଁ ଖୋଲିଛନ୍ତି ।
ଏକ ସାକ୍ଷାତକାରରେ ଚିରାଗ କହିଛନ୍ତି, ସତ କହିବାକୁ ଗଲେ କଙ୍ଗନାଙ୍କୁ ଭେଟିବା ପାଇଁ ସେ ଚାତକ ଭଳି ଚାହିଁ ବସିଥିଲେ ।
ଚିରାଗ କହିଛନ୍ତି, 'ସଂସଦରେ କଙ୍ଗନାଙ୍କୁ ଭେଟିବା ପାଇଁ ସେ ବହୁତ ଏକ୍ସସାଇଟେଡ ଥିଲେ। ଗତ 2-3 ବର୍ଷ ମଧ୍ୟରେ ସେ ଏତେ ବ୍ୟସ୍ତ ରହିଲେ ଯେ, ଫଳରେ କଙ୍ଗନା ଓ ତାଙ୍କ ମଧ୍ୟରେ ଥିବା ସମ୍ପର୍କ ଭାଙ୍ଗି ଯାଇଥିଲା ।
ଏଠାରେ ଆମେ ଆପଣଙ୍କୁ କହି ରଖୁଛୁ ଯେ, 2014ରେ ଫିଲ୍ମ 'ମିଲେ ନା ମିଲେ ହମ୍'ରେ ଉଭୟ ଏକାଠି କାମ କରିଥିଲେ। ଏହା ଚିରାଗଙ୍କ ଡେବ୍ୟୁ ଫିଲ୍ମ ଥିଲା ।
ଉଭୟ ଏବେ ସାଂସଦ ଅଛନ୍ତି। 2024ରେ ହିମାଚଳପ୍ରଦେଶ ମଣ୍ଡିରୁ କଙ୍ଗନା ଲୋକସଭା ନିର୍ବାଚନ ଜିତିଥିଲେ । ଚିରାଗ ବିହାରର ହାଜିପୁରରୁ ନିର୍ବାଚନ ଜିତିଥିଲେ ।